Primeru Ministru Xanana Gusmao kestiona nasionalimu profesionalizmu knar nai saude sira ne’ebé ameasa halo greve konaba sira nia esjijensia ba rejime kareira nian.
Rejime kareira, ami dehan hein lai oituan neneik ba, Mak ejiji atu halo greve, Hau senti katak, Se ita ba ita rasik iha ne’e, Ita dehan, Nasionalizmu, Patriotizmu ne’e iha ne’ebé” Hateten primeru ministru Xefe Governu iha parlamentu Nasional, Kinta 27/01/2011 hafoin rona kestaun ne’e husi Deputadu FRETILIN Domingos Sarmento.
Wainhira deputadu ne’e kestiona assuntu ne’ebé refere konaba rejime kareira funsaun ba profesionais Saude hetan kedas klarifikasaun klean husi Primeru Ministru. Problema rejime kareira funsaun laos atu valorize S1 ka S2, Maibe problema iha implikasaun finanseira.
“Tanba ne’e mak ami deskuti konaba rejime kareira sira ne’e, Hamutuk ho profesores, profesionais saude Guarda prizaun no sel-seluk mos husu sira nia rejime kareira, Nune’e hau hanoin problema boot liu atu ita hare mak edukasaun, Problema edukasaun laos deit kuantidade maibe hare mos sira nia kualidade” dehan PM xanana.
PM xanana Gusmao hateten mediku iha timor leste kurang teb-tebes bainhira mak ita prepara taan mediku atu mai taan 900 ka 700 hodi la’o tan, Hare ba situasaun sira ne’e. “ Dalaruma ita hakilar ba ita nia direitu mash au husu ba deputadu sira katak, Ita la’o neneik ami hare hela subsidiu, Ida ne’ebé mak se karik hot-hotu husu ninia rejime de kareira, Ami la iha problema, Problema mai aprejenta iha orsamentu, Ninia impaktu finanseiru ba estadu,” Hateten PM xanana.
Primeru Ministru mos realsa katak governu la nega sira nia kareira especial, Maibe governo husu lao neneik oituan. Tanba sa ita hein taan oituan labele, se ita hareba komunidade iha Brimob rasik mai halo manifestasaun iha ne’e tanba deit osan simu la to’o tanba ne’e rejime kareira funsaun hein lai oituan ami sei hare ida ne’e neneik,” Katak PM Xanana.
Primeru Minitru Republika Demokratika Timor Leste apelu ba profesionais sau sira hotu katak, Tebes duni presija sira nia servisu, Maibe ho Hakraik aan hau husu atu komprende iha kontestu Global Nasaun Nian.
“ Ita mos hare dadauk ona ba sira sira rihun rua resin ne’ebé iha Edukasaun atu reforma, Ita atu halo oinsa, Ne’ebé ho hakraik aan teb-tebes ba infermeiru no Dotor inklui parteira sira, Povu doben ida ne’e presija tebes sira nia Tulun. Ita lao ho kompriende malu,” Realsa PM.
Lider rai RDTL ida ne’e Xanana Gusmao sinte triste teb-tebes kuandu profesionais sira ejije demais, kuandu timor leste sei iha problema ho IDP’s ne’ebé la iha tiha ona maibe mai nafatin, Nune’e mos komunidade Brimob tanba ne’e husu ita hotu nia komprensaun atu tane nafatin Nasionalizmu no profesinalizmu iha Nasaun Ida ne’e. Das/MS001