Iha tinan 2011 Ministerio da saude sei investe barak liu iha area rekursus Umanus no kualidade servisu ninian, tanba nee orsamentu nebe propoin ba ministerio da saude ho montante U$ 37 Miloens sei investe ba ida nee.
Realidade hatudu katak Iha tinan 2011 Ministerio da saude simu estudante finalista nebe durante nee halao sira nia estudu iha Cuba reintegra ba sistema no ami sei mos prepara kondisaun hodi implementa rejime kareira especial nebe mak tenki prepara duni,” Dr. Nelson kasu lia hirak nee ba jornalista sira iha uma fukun parlamentu Nasional kinta 27 janeiru 2011.
Nunee Ministru saude mos afirma katak, prepara proporsionalidade entre infermeirus, profesionais saude ho rekursus humanus hodi servi populasaun sira nebe presija tebes assistensia nebe diak no kualidade.
Hafoin fundu dezinvolvimentu deskute makas teb-tebes Ministerio da saude prepara hodi haruka taan Doutor Geral sira ba hasai sira nia espesialidade iha rai leur no balun atu ba taan iha tinan 2011 nebe hamutuk 18 pesoas.
Dr. Martins hatutan taan katak, sei kontinua haforsa fakulidade iha siensia saude iha Universidade Nasional Timor Loro sa’e nebe kompostu husi departamentu tolu, Medisina Geral, Emfarmagen, no Parteira hodi kontinua kursu diploma DIII nunee mos ba eskola diploma I ba infermeiru, Denrista, Radiologia no farmasia.
Nunee agora dadaun problema nebe ministerio da saude sei infrenta nafatin mak fasilidade sei kurang iha 13 distritus nomos sei falta infermeiru no dotor tanba ita nia nasaun foin mak ukun aan entaun ita lao neneik mas bebeik maibe, Ministerio da saude desdu uluk ate agora ministerio da saude sempre preparadu servisu ho kondisaun saida deit. Nunee pesoal saude dedika nafatin ho espiritu nasionalizmu hadomi ita nia nasaun diak liutan, Maski ho fasilidade limitadu,” tenik Ministru saude Dr. Nelson Martins.
Tanba problema fasilidade menus nee laos ministerio da saude deit mak infrenta maibe kuaze Ministerio no intituisaun barak mak infrenta situasaun sira nee. Politika no estratejia Nasional Ministerio da saude fiar katak iha tinan 20 nia laran fiar katak, iha suku ida por/Mill populasaun sei iha infermeiru rua ho parteira ida no ambulansia ida iha postu saude hotu. Alm MS001