Prezidente Horta : Governu tenki infeste makas
Prezidente da republika Dr. Jose Ramos Horta husu Governu tenki investe makas ba seitor Saúde no edukasaun liu-liu hatama hanesan prioridade Governu nia planu.
Ita iha nasaun kiik hanesan timor leste seitor Saúde no edukasaun importante tebes, tan ne’e hau apelu ba Nai ulun governu ezekutivu no membru poder lezislativu para hare oinsa atu it abele tau orsamentu boot liu taan ba seitor Saúde no edukasaun,” hateten nia iha tomada de posse reitor foun universidade Nasional timor Loro sa’e (UNTL) Aurelio Sergio Guterres iha sabadu 15 Janeiru 2011 iha Dili convention Center Ex Merkadu Lama Dili.
Kuandu ita la tau prioridade ba hirak ne’e mak edukasaun labele la’o no Saúde la fornesidu. Nomos iha edukasaun la klean no la iha abut entaun nasaun sei la iha ema liu-liu joven sira kualidade nune’e dezinvolvimetu sei la la’o. Tantu tenki iha konsensu no esforsu makas husi orgaun estadu no instituisaun governu hotu-hotu.
“ it abele hateten konsensu iha nasaun ne’e para nasaun la’o ba oin no moris iha globalizasaun ita tenki halo esforsu makas, liu-liu hanesan nasaun kiik investe makas iha edukasaun forma ema matenek,” tenik Horta.
Akresenta liutan katak, esforsu dezinvolvimentu kakutak ne’e tenki halo duni liu husi tau matan ba edukasaun, fo biban ba estudante sira atu bele estuda no buka matenek iha banku universidade iha rai laran no ema nia rain.
“ tuir relatoriu estudante timor oan nebe hala’o estudu iha Cuba, sira nia klasifikasaun diak liu duke estudante sira nebe mai husi Venezuela, Brazil, Vietnam no sira nebe estudu hamutuk iha ne’ebá.” Informa Horta.
Dala ida taan atu dezinvolve ema nia kakutak importante mak governu tenki kria kondisaun fo meus sosilozikus, ambiente, Sosial, tekniku nebe mak sir abele dezinvolve, katak Horta. MSo1 Feat Juliao Fernades